ОДГОВОРНОСТА ЗА ЖИВОТ – ВПИШАНА ВО КОДОТ НА ХАМУРАБИ (ДЕЛ 1)

Важно: Кога купувате полиса за осигурување на имот задолжително побарајте друштвото за осигурување да ви ги даде Условите за осигурување кои се применуваат за осигурување на имот. Внимателно прочитајте ги!

Со осигурување на имот добивате обесштетување во случај на настанување на штета на вашиот имот. Обесштетувањето неможе да биде поголемо од штетата која осигуреникот ја претрпел. 

Кај осигурувањето на посеви и плодови, обесштетувањето се утврдува согласно вредноста што би ја имале посевите и плодовите во времето на собирањето.

Напомена: При утврдување на обесштетувањето се зема предвид и пропуштената добивка но под услов ако тоа е договорено.

Ако во текот на ист период на осигурувањето настанат повеќе штети еден по друг, обесштетувањето за секоја од нив се определува и исплатува во целост со оглед на сумата на осигурување, без нејзино намалување за износот на порано исплатените штети во тој период.

Осигурителни поими: 

–              Осигурувач – е друштво за осигурување 

–              Договарач на осигурување е лице што со друштвото за осигурување склучува договор за осигурување (полиса) 

–              Премија на осигурување е износ што договарачот на осигурување го плаќа врз основа на  склучениот дговор

–              Сума на осигурување е износ на кој имотот е осигурен

–              Лист на покритие е потврда што привремено ја заменува полисата

–              Полиса е документ со кој се потврдува постоење на договорот за осигурување

 Главна цел на студиската програма од областа на осигурување е да им овозможи на студентите да се стекнат со продлабочени знаења од областа на менаџментот во осигурување и со специфични вештини за примена на ова знаење во практиката. За остварување на овие цели студиската програма ги обработува теоретските аспекти на оваа област, фокусирајќи се и на нивната практична примена.

 Република Северна Македонија, како земја во развој, бележи континуиран раст и зголемување на значајноста на осигурителниот во финансискиот сектор на државата. Со постепениот развој на финансискиот сектор се намалува неговата традиционална банкоцентричност, при што осигурителните друштва доаѓаат до особен израз. Тоа создава потреба од студиска програма за втор циклус студии од областа на менаџмент во осигурување, која ќе понуди соодветни знаења, способности и вештини од овие области во рамките на организациските науки и управувањето. Паралелно се јавува и потреба за научно-стручна и независна анализа и евалуација на спроведените политики и реформи во осигурувањето, со цел предлагање мерки за нивно поефикасно и поефективно спроведување. Финансиската криза покажа дека осигурителниот сектор не е имун на турбуленции, па неговото внимателно менаџирање и супервизија се појавува како клучно прашање. Растечката финансиска интеграција во економиите нужно го наметнува прашањето на реформи, солвентност и управување со ризиците, за што студиумот нуди адекватен одговор.

 Студиумот по Менаџмент во осигурување е внимателно структуриран и дизајниран да одговори на образовните и реалните проблеми во областа на осигурувањето и менаџирањето на осигурителните друштва. Тој е адекватен за сите кандидати кои имаат за интерес да се ангажираат и унапредуваат како дел од врвниот менаџмент на осигурителните компании, вработени во осигурителни компании или пак како осигурителни брокери. Дополнително, студиската програма по Менаџмент во осигурување отвара можности за профилирање на кандидатите во доменот на животното и неживотното осигурување, актуарството, управувањето со ризиците во осигурителните компании, финансиска анализа и процена, управување со општото и посебното окружување кај осигурителните друштва, креирање и имплементација на стратегии и стратешки приоритети, корпоративното управување, бизнис етиката, бизнис аналитиката и електронските бизнис модели кои се применуваат во осигурителната дејност. Специфичните задачи на студиската програма се: оспособување на менаџерите за донесување на одлуки во осигурителната индустрија; креирање на лидерство, интегритет и ефикасни аналитички способности на менаџерите за управување со ризикот и апликација на механизмот на осигурување во превземање и трансфер на ризикот; зголемување на капацитетот на менаџерите во осигурителната индустрија, како и во друштвата за пензиско осигурување, системот за здравствено осигурување и институциите на пазарот на осигурување во носењето на конкурентни и одржливи одлуки, преку анализа на напредните елементи на интерното и екстерното окружување во осигурителната индустрија, финансисиот систем на национално и меѓународно ниво; и креирање на холистичка рамка на напредни знаења и способности во функција на мултитаскинг и мултидисциплинарен пристап во решавање на проблемите и предизвиците.

 Предметните програми на оваа студиска програма се во линија со динамичната бизнис клима и предизвиците и можностите кои ги нуди осигурувањето. Посебен акцент е ставен на развивањето и унапредувањето на способностите за тимска работа, на аналитичката способност, на способноста за донесување одлуки, способноста за лидерство и комуникација, но воедно и за независна идентификација на своите лични потреби, интереси и професионален развој.

 Целината од знаење која ја нуди студиската програма по Менаџмент во осигурување ќе ги подготви студентите за успешна кариера и ќе им овозможи да се ангажираат во осигурителните друштва како:  

• Главни извршни и оперативни менаџери
• Неизвршни менаџери во Одборите на директори
• Секторски и регионални менаџери
• Менаџери на друштва за застапување и осигурително брокерски друштва
• Менаџери на линиско ниво на менаџмент
• Стратегиски и бизнис аналитичари и планери
• Застапници и брокери во продажната мрежа
• Вработени во супервизорско-регулаторни институции
• Менаџери и агенти во системот на капитално-финансирано пензиско осигурување
• Стручен кадар, советници и соработници на неменаџерски позиции

 По комплетирање на програмата магистрираните студенти се стекнуваат со бројни предности од типот на поголеми можности за вработување, флексибилност и слобода во избор на работно место, брз развој во кариерата, подобро платени позиции на кои се бараат експерти со широки познавања од областа на менаџментот во осигурувањето.

Менаџмент во осигурување – наставна програма 2022/23 – Економски факултет – Скопје (ukim.edu.mk)

Осигурувањето на живот е покритие со кое осигурителот се обврзува, на осигуреникот/корисникот на осигурување, врз основа на платените премии на осигурување, да му ја исплати осигурената сума во случај на смрт, односно доживување.

• Изберете го видот на осигурување на живот кој најдобро ќе одговара на Вашите потреби и можности;
• Дефинирајте ја временската рамка на траење на осигурувањето.Времетраењето на полисата за осигурување зависи пред сè од Вашата волја;
• Бидете сигурни дека со Вашите примања ќе бидете во можност редовно да ја плаќате договорената премија за осигурување во дефинираниот временски период;
• Информирајте се за ризиците кои се покриени со полисата, како и за исклучоците;
• Секогаш консултирајте се со овластено лице за условите под кои се нуди осигурувањето и бидете сигурни дека Ви се јасни сите одредбиод условите.

ОД ШТО ЗАВИСИ ВИСИНАТА НА ПРЕМИЈАТА (цената)КАЈ ОСИГУРУВАЊЕТО НА ЖИВОТ?

КОИ ВИДОВИ ОСИГУРУВАЊЕ НА ЖИВОТ НАЈЧЕСТО СЕ СРЕЌАВААТ?

Осигурување на живот во случај на смрт (ризико осигурување) – договорената осигурена сума се исплатува на корисникот на осигурувањето само во случај на смрт на осигуреникот во договореното траење на осигурувањето. Доколку осигуреникот го доживее датумот на кој истекува полисата осигуреникот/корисникот на осигурување нема право на исплата на осигурената сума.
Осигурување на живот во случај на доживување – осигурената сума се исплатува само во случај ако осигуреникот го доживее договорениот датум наведен во полисата за осигурување. Доколку кај осигуреникот настапи смрт за време на траењето на договорот, корисникот на полисата за осигурување нема право на исплата на договорената сума.
Мешовито осигурување на живот претставува комбинација од осигурувањето на живот во случај на смрт и осигурувањето на живот во случај на доживување. Во случај на смрт на осигуреникот за времетраење на осигурувањето, на членовите на неговото семејство/корисниците на осигурување се исплаќа осигурената сума. Во случај на доживување, осигурената сума заедно со делот од добивката се исплаќа на осигуреникот. Ова осигурување е најчесто користено од страна на осигурениците поради комбинацијата на штедење и заштита на семејството на осигуреникот во случај на негова смрт.
Рентно осигурување (осигурување на ануитети) – осигуреникот има право на исплата на одредени периодични исплати (ануитети) во текот на одреден период или доживотно. Ова осигурување може да се користи и како модел за идна исплата на пензии, односно пензиски надоместоци на сите членови во вториот, односно третиот пензиски столб кои се стекнале со тоа право.

ДАЛИ МОЖЕ ДА ЈА ОТКАЖЕТЕ ПОЛИСАТА ЗА ОСИГУРУВАЊЕ НА ЖИВОТ?

Доколку договарачот на осигурувањето од која било причина повеќе не може или не сака да ја плаќа договорената премија, може да изврши откуп или капитализација на полисата.
Доколку ја откажете полисата за осигурување, односно сакате да извршите откуп на полисата, осигурителот ќе Ви ја исплати откупната вредност на полисата, односно дел од претходно уплатените средства, во согласност со табелите за откупни вредности.
Доколку се исполнети условите за капитализација, договарачот на осигурувањето се ослободува од понатамошно плаќање на премијата. Полисата за осигурување и понатаму останува во сила, а осигурената сума се намалува според табелата за капитализирани износи.
Осигурителот има обврска табелата за откупни вредности и табелата за капитализирани износи да му ги предаде на договарачот на осигурувањето при склучувањето на договорот за осигурување на живот.
Доколку донесете одлука да ја откажете полисата, информирајте се за финансиските последици од таа одлука.
Трошокот за предвремено прекинување на полисата е на Ваш товар!

Извор:АСO

Факултетот за туризам и угостителство Охрид од оваа година ќе објавува квартални извештаи за осигурителниот пазар во Македонија.

Целта на овие извештаи е да се даде длабинска анализа нa трендовите во осигурителниот сектор во земјата. Се фокусираме на различни аспекти на пазарот, како што се реалниот износ на премиите и штетите (наместо номиналните износи, поради значајното влијание на инфлацијата), структурата на пазарот и структурата на трошоците, за да обезбедиме сеопфатен преглед на индустријата на квартално ниво. Преку овој извештај, се надеваме дека ќе обезбедиме вреден ресурс за осигурителите, регулаторите, инвеститорите и другите засегнати страни на македонскиот осигурителен пазар. Веруваме дека овие извештаи ќе обезбедат цврста основа за разбирање на моменталната состојба на пазарот и идентификување различни можности и ограничувања.

Горди сме што придонесуваме за развојот на македонската осигурителна индустрија со публикување на регуларни квартални извештаи за осигурителната индустрија во земјата. Првиот квартален монитор (МКСИГ) за последниот квартал од 2022 година можете да го пронајдете ОВДЕ.